ทุติย โอวาทสุตฺต

ปุจฺฉา – ตตฺเถวาวุโส ภควตา ทุติย โอวาทสุตฺตํ กตฺถ เกน สทฺธิํ กถญฺจ ภาสิตํฯ

วิสฺสชฺชนา – ราชคเห ภนฺเต อายสฺมตา มหากสฺสเปน สทฺธิํ ‘‘โอวท กสฺสป ภิกฺขู, กโรหิ กสฺสป ภิกฺขูนํ ธมฺมิํ กถํ, อหํ วา กสฺสป ภิกฺขู โอวเทยฺยํ ตฺวํ วา, อหํ วา ภิกฺขูนํ ธมฺมิํ กถํ กเรยฺยํ ตฺวํ วา’’ติ เอวมาทินา ภควตา ภาสิตํฯ

ยสฺส กสฺสจิ ภนฺเต สทฺธา นตฺถิ กุสเลสุ ธมฺเมสุ, หิรี นตฺถิฯ โอตฺตปฺปํ นตฺถิฯ วีริยํ นตฺถิฯ ปญฺญา นตฺถิ กุสเลสุ ธมฺเมสุฯ

ตติย โอวาทสุตฺต

ปุจฺฉา – ตตฺเถวาวุโส ภควตา ตติยโอวาทสุตฺตํ กตฺถ เกน สทฺธิํ กถญฺจ ภาสิตํฯ

วิสฺสชฺชนา – ราชคเห ภนฺเต อายสฺมตาเยว มหากสฺสเปน สทฺธิํ ‘‘โอวท กสฺสป ภิกฺขูฯ กโรหิ กสฺสป ภิกฺขูนํ ธมฺมิํ กถํ, อหํ วา กสฺสป ภิกฺขู โอวเทยฺยํ ตฺวํ วาฯ อหํ วา ภิกฺขูนํ ธมฺมํ กถํ กเรยฺยํ ตฺวํ วา’’ติ เอวมาทินา ภควตา ภาสิตํฯ